നമ്മുടെ പരിശുദ്ധ  സഭ കല്പിച്ചിരിക്കുന്ന നോമ്പുകളിൽ വച്ച് ഏറ്റവും വലുത്, അഥവാ വളരെ പ്രാധാന്യം അർഹിക്കുന്ന നോമ്പാണ് വലിയ നോമ്പ്.

പൂർവ്വപിതാക്കന്മാർ കല്പിച്ച പ്രകാരം ഇരുപത്തിരണ്ടര (ഒൻപതാം മണി) വരെ ഉപവസിക്കുകയും മത്സ്യമാംസാദികൾ മുതലായി വർജ്ജിക്കേണ്ടവ വർജ്ജിക്കുകയും കുമ്പിട്ട്  യാമപ്രാർത്ഥനകൾ നടത്തി അനൂതാപപൂർവ്വം പ്രാർത്ഥിക്കുകയും ചെയ്യേണ്ട സമയമാണിത് .      

മേൽപറഞ്ഞവ കൂടാതെ വലിയ നോമ്പിനെ
വരവേൽക്കുന്ന നേരം നാം ഏവരുടെയും മനസ്സിൽ  ഉരുത്തിരിയേണ്ട ചില സംഗതികൾ എല്ലാവരുമായി  ഞങ്ങൾ പങ്ക് വയ്ക്കട്ടെ.

1) യേശു നാല്പതു ദിവസം ഉപവസിച്ചതിന്റെ അവസാന ദിവസത്തിന്റെ ഓർമ്മയാണ്. 
2) നാല്പതുദിവസം പ്രാർത്ഥനയിലും ഉപവാസത്തിലും കഴിഞ്ഞിരുന്ന യേശുവിനെ നാല്പതാം ദിവസം വെള്ളിയാഴ്ച്ച പ്രലോഭിപ്പിക്കുവാനും പരീക്ഷിക്കുവാനുമായി വചനത്തെ വളച്ചൊടിച്ചു സാത്താന്‍ യേശുവിനെ പരീക്ഷിച്ചതിന്‍റെ ഒർമ്മയാണ്.
3) എല്ലാ പരീക്ഷണങ്ങളെയും അതിജീവിച്ചു യേശു സാത്തന്‍റെമേല്‍ ആധിപത്യം സ്ഥാപിച്ച ദിവസമാണ്.

സിറിയൻ ഓർത്തഡോക്സ് സഭയിൽ, സാധാരണ ദിവസങ്ങളിൽനിന്നും വ്യത്യസ്ഥമായി കഷ്ടാനുഭവാഴ്ചയിൽ ചില വ്യത്യാസങ്ങളുണ്ട്.

കഷ്ടാനുഭവ ആഴ്ചയിൽ നോമ്പിലെപ്പോലെ ഉച്ചയ്ക്ക് നാല്പത് കുമ്പിടീലില്ല. സൂത്താറായ്ക്ക് മോർ അഫ്രേമിന്റെ ശയന പ്രാർത്ഥനയും നടത്തുന്നില്ല. നമസ്‌കാര സമയത്ത് മദ്ബഹായുടെ മറ നീക്കുകയോ മദ്ബഹായിൽ തിരി കത്തിക്കുകയോ, കുക്കിലിയോൻ ചൊല്ലുകയോ ധൂപാർപ്പണം നടത്തുകയോ ചെയ്യുന്നില്ല. തിരി കത്തിക്കലും ധൂപാർപ്പണവും പാതിനോമ്പിൽ പള്ളിയകത്ത് ഉയർത്തിയ ഗോഗുൽത്തായുടെ മുമ്പിലായിരിക്കണം. ഏവൻഗേല്യോൻ മേശയും മദ്ബഹായിൽനിന്ന് താഴെയിറക്കിവച്ചു വേണം ഉപയോഗിക്കുവാൻ. കൈകസ്തൂരിയോ കൈമുത്തോ പാടില്ല.

സർവ്വശക്തനായ ദൈവം പ്രപഞ്ചത്തെയും അതിലുള്ള സകലത്തെയും ആറു ദിവസത്തിനുള്ളിൽ സൃഷ്ടിച്ചശേഷം ഏഴാം ദിവസം തന്റെ പ്രവൃത്തികളിൽനിന്നു വിരമിച്ചു വിശ്രമിച്ചു. എല്ലാ ഏഴാമത്തെയും ദിവസം ശബ്ബത്തായി അനുഷ്ഠിക്കണമെന്ന് ദൈവം തന്റെ ജനത്തിനു നൽകിയ കല്പനകളിൽ അനുശാസിക്കുന്നു. മിസ്രയീമ്യ അടിമത്തത്തിൽനിന്നുള്ള വിമോചനത്തിന്റെ അനുസ്മരണമായി ആഘോഷിക്കപ്പെടുന്ന പെസഹ അഥവാ പുളിപ്പില്ലാത്ത അപ്പത്തിന്റെ പെരുന്നാൾ ഏഴു ദിവസം നീണ്ടുനിൽക്കുന്നതായിരുന്നു. ഏഴു വാരത്തിനുശേഷം ആഘോഷിക്കപ്പെടുന്ന പെന്തിക്കോസ്തപ്പെരുന്നാളിന്റെ അഥവാ വാരോത്സവപ്പെരുന്നാളിന്റെ ദൈർഘ്യവും ഏഴു ദിവസമായിരുന്നു.

ആണ്ടൊട്ടുക്ക് ഓരോ ഞായറാഴ്ച ദിവസങ്ങൾക്കും വിശേഷ ദിവസങ്ങൾക്കും നോമ്പു ദിവസങ്ങൾക്കും മറ്റ് സാധാരണ ദിവസങ്ങൾക്കും പ്രത്യേകം പ്രത്യേകം പ്രാർത്ഥനാ ക്രമങ്ങൾ നമ്മുടെ വിശുദ്ധ സഭയിൽ വിശുദ്ധ പിതാക്കന്മാർ ഏർപ്പെടുത്തിയിട്ടുണ്ട്. എങ്കിലും മലയാളത്തുള്ള അൽമേനികൾക്ക് ഉപയോഗപ്പെടത്തക്കവണ്ണം ഇതിന്റെ അംശങ്ങൾ മാത്രമെ നാട്ടുഭാഷയിൽ മുമ്പിനാലെ തർജ്ജമ ചെയ്തു നടപ്പുവന്നിട്ടുള്ളൂ.

കൈത്തൊഴിലിനെക്കുറിച്ച്.

ഉപവാസം അനുഷ്ഠിക്കുന്നതിലൂടെ നമ്മിൽ നിന്നു ദൈവം ആഗ്രഹിക്കുന്നതെന്താണെന്നു നമുക്കൊന്നു നോക്കാം.
   
1. ദൈവസന്നിധിയിൽ താഴ്മയുള്ളവനായിരിക്കുക. ദൈവം  നിഗളികളോട് എതിർത്തു നിൽക്കുന്നു. താഴ്മയുള്ളവർക്ക് കൃപ നൽകുകയും ചെയ്യുന്നു. (യാക്കോബ് 4:6).

2. മറ്റുള്ളവരോടു ക്ഷമിക്കുക. കർത്താവു നമുക്കു പഠിപ്പിച്ച പ്രാർത്ഥനയിൽ പറയുന്നതു പോലെമറ്റുള്ളവരോടുഞങ്ങൾ ക്ഷമിക്കുന്നതു പോലെ ഞങ്ങളുടെ പാപങ്ങളും ഞങ്ങളോടു ക്ഷമിക്കേണമേ.
   
3. ഔദാര്യ മനഃസ്ഥിതിയുള്ളവരായിരിക്കുക.

ഒരാഴ്ചമുമ്പ് ഏതോ ഒരു പാർട്ടിക്കാരനെന്നു പരിചയപ്പെടുത്തി എനിക്കൊരു ഫോൺ കോൾ. "ഫാദറേ! അത്യാവശ്യമായി കുറച്ചു രക്തം വേണം. തീരെ സാമ്പത്തികമില്ലാത്തവരാണ്. ഒഴിവ് പറയരുത്. ഞങ്ങൾ എത്ര ശ്രമിച്ചിട്ടും ഫാദറിന്റെ ഗ്രൂപ്പിലുള്ള രക്തം ലഭിക്കുന്നില്ല" എന്നു പറഞ്ഞു.

"എന്റെ രക്തം AB-ve ആണ്. പേടിക്കേണ്ട, ഞാൻ എപ്പോഴും പോസിറ്റീവാണ് എന്തായാലും രക്തം തരാം, പിരിശോധിച്ചിട്ട് കൊള്ളാവുന്നതാണെങ്കിൽ എടുത്തോ" എന്നു ഞാനും പറഞ്ഞു.

നാളിതു വരെ ആയിട്ടും ജീവിതത്തിരക്കുകൾ വർദ്ധിച്ചിട്ടും ആരും വിമാനത്താവളങ്ങളിൽ വൈകിയെത്തുന്നതു അധികം കാണാറില്ല. അഥവാ അല്പം വൈകിപ്പോയാലുള്ള അവരുടെ മുഖത്തെ പരിഭ്രമവും സങ്കോചവും അവർ ആ യാത്രയ്ക്കു നൽകുന്ന പ്രാധാന്യം എടുത്തു കാട്ടുന്നു.
വിമാനം പുറപ്പെടുന്നതിനു കുറഞ്ഞത് മൂന്നു മണിക്കൂർ  മുൻപെങ്കിലും അവർ അവിടെയെത്തിയിട്ടുണ്ടാകും,തിരക്ക് നിറഞ്ഞ റോഡിലൂടെ ഒരു ദീർഘ ദൂര യാത്രക്ക് ശേഷം..!!   

അമ്പമ്പോ!, ഇവർ ഒരു വിമാന യാത്രയ്ക്കു നൽകുന്ന പ്രാധാന്യം ഭയങ്കരം തന്നേ !!

'വടക്കു നിന്ന് തെക്കോട്ട്' എന്നാണ് പ്രദക്ഷിണം എന്ന വാക്കിന്റെ അർത്ഥം. 'വലം വയ്ക്കുക' എന്നതാണ് ശബ്ദതാരാവലിയിൽ (ശബ്ദതാരാവലി പേജ് 2173). വലത്തോട്ട് എന്നും ദക്ഷിണദിശയിലേക്കുള്ള (തെക്ക് ദിശയിൽ) പ്രയാണം എന്നും ചില വ്യാഖ്യാനങ്ങളും കാണുന്നുണ്ട്. സുറിയാനി പാരമ്പര്യത്തിൽ പെരുന്നാളുകളിലും പ്രത്യേക ദിവസങ്ങളിലെ ശുശ്രുഷകളിലും പ്രദക്ഷിണം നടത്താറുണ്ട്. പള്ളിയുടെ വടക്കേ വാതിൽ വഴി പുറത്തേയ്ക്കിറങ്ങി പടിഞ്ഞാറ്, തെക്ക്, കിഴേക്ക് ഭാഗങ്ങളിലൂടെ പള്ളിക്കു മൂന്നു തവണ വലം വെച്ചതിനു ശേഷം തെക്ക് ഭാഗത്തൂടെ പള്ളിയകത്ത്‌ പ്രവേശിക്കുന്ന രീതിയാണുള്ളത്.