സിറിയൻ ഓർത്തഡോക്സ് സഭയുടെ സ്ലീബാപ്പെരുന്നാളിന് ജനനപ്പെരുന്നാൾ ക്രമത്തിലെപ്പോലെ തീജ്വാല ശ്രുശ്രൂഷ നടത്താറുണ്ട്. സുറിയാനിയിലും  മലയാളത്തിലുമുള്ള ക്രമങ്ങൾ മലങ്കരയിലുമുണ്ട്. ചില പള്ളികളിൽ ഇത് നടത്തിയിട്ടുണ്ടെന്ന് കേട്ടിട്ടുണ്ട്. എന്നാൽ ഇപ്പോൾ ഏതെങ്കിലും പള്ളിയിൽ ഈ ശുശ്രൂഷ നടത്താറുണ്ടോ എന്നുമറിയില്ല. അറിവില്ലായ്മ കൊണ്ട് വിട്ടുപോയതാണോ അതോ അറിവുണ്ടായിട്ടും അവഗണിച്ചതാണോ എന്നും നിശ്ചയമില്ല. 

"അപ്പോള്‍ ആ മനുഷ്യന്‍ കുനിഞ്ഞു യഹോവയെ നമസ്കരിച്ചു" ഉല്പത്തി 24 : 48. ഇപ്രകാരം കുനിഞ്ഞ് നമസ്കരിക്കലാണ് ആരാധന. ബുദ്ധിയുടെ കസര്‍ത്ത് മാത്രമല്ല ആരാധന. ശരീരം കൂടി പങ്കെടുക്കുന്നു. കുനിയുന്നു, നമസ്കരിക്കുന്നു. ഉല്പത്തി പുസ്തകം 24 : 48 വക്യത്തിലും ഇതേ പദമാണ് ഉപയോഗിക്കുന്നത്. ഞാന്‍ കുനിഞ്ഞു യഹോവയെ നമസ്കരിച്ചു. കുമ്പിട്ടു നമസ്കരിച്ച ഇസ്രയേല്‍ ജനതയെക്കുറിച്ച് നാം വീണ്ടും കാണുന്നു. അപ്പോള്‍ ജനം വിശ്വസിച്ചു, യഹോവ ഇസ്രയേല്‍ മക്കളെ സന്ദര്‍ശിച്ചു എന്നും തങ്ങളുടെ കഷ്ടത കടാക്ഷിച്ചു എന്നും കേട്ടിട് അവര്‍ കുമ്പിട്ടു നമസ്കരിച്ചു. പുറ 4:31.

ക്രൂശിൽ നിന്നും കർത്താവിനെ ഇറക്കുവാനായി ചെന്ന യൗസേഫും നിക്കോദീമോസും കൂടി ദർശിച്ചതായിട്ട്, ഇഗ്നാത്തിയോസ് നൂറോനൊ പഠിപ്പിച്ചതായി പാരമ്പര്യമുള്ള ഒരു പ്രാർത്ഥനയാണെല്ലൊ ഇത്. സ്വർഗ്ഗീയ സേനകൾ ദൈവമേ! നീ പരിശുദ്ധനാകുന്നു എന്നാരംഭിക്കുന്ന ഈ സ്തുതിപ്പിനാൽ ക്രൂശിൽ കിടക്കുന്ന കർത്താവിനെ സ്തുതിച്ചപ്പോൾ യൗസേഫും നിക്കോദീമോസും കൂടി അതിന്റെ അവസാന ഭാഗത്തുള്ള യാചന ചൊല്ലി എന്നാണ് ആ പാരമ്പര്യം. പിതാക്കന്മാർ (പരിശുദ്ധ പത്രോസ് കാസോറൊ പാത്രിയർക്കീസ് - Peter the Fuller) ഇത് പ്രാർത്ഥനയിൽ കൂട്ടിച്ചേർത്തു.

ആമുഖം.

വിശുദ്ധ മാതാവിനെ പറ്റി പഠിക്കുവാൻ ഏറ്റവും ആധികാരികവും ഉചിതവുമായ ഒരു മാർഗ്ഗം സുറിയാനി പാരമ്പര്യവും ആരാധനയും പഠിക്കുക എന്നുള്ളതാണ്. കാരണം അപ്പോസ്തോലിക കാലം മുതലുള്ളതും, പഴയ നിയമ പ്രവചനങ്ങളിലൂടെ ദൈവം വെളിപ്പെടുത്തിയതുമായ വിശുദ്ധ അമ്മയിലൂടെയുള്ള ദൈവത്തിന്റെ മനുഷ്യ രക്ഷാകര പദ്ധതി പരിശുദ്ധ സഭയുടെ ദിനചര്യയായ വിശുദ്ധ ആരാധനയിലൂടെയും, പാരമ്പര്യങ്ങളിലൂടെയും ഈ സഭയിൽ അപ്പസ്തോലന്മാരുടെ കാലം മുതൽ വെളിവാക്കപ്പെട്ടുവരുന്നു. 

എന്തിനാണ് മൃതദേഹം പള്ളിയിലേക്ക് കൊണ്ടുപോകുമ്പോൾ മഞ്ചലിന് മേൽക്കട്ടിയിടുന്നത്? എന്താണ്  ഇതിനെക്കുറിച്ചുള്ള നമ്മുടെ സഭയുടെ  പാരമ്പര്യം?

ശവസംസ്കാര ശുശ്രൂഷയെന്നത്  കൂദാശയെപ്പോലെ പ്രാധാന്യം കൊടുക്കേണ്ടതും എന്നാൽ വളരെ പ്രാധാന്യമുള്ളതുമായ ഒരു കൂദാശാ അനുകരണമാണ്. അനീദെ ശുശ്രൂഷ മരണശേഷം 40 ദിവസം നീണ്ടു നിൽക്കുന്ന ഒരാചാരണമാണ്. 

സമാധാനം, സമാധാനം, സമാധാനം. വളരെ കാലങ്ങളായിട്ട് സോഷ്യൽ മീഡിയ വഴി നാം കേൾക്കുന്ന ഒരു വാക്കാണ് 'സമാധാനം' എന്നത്. പ്രത്യേകിച്ച് സുറിയാനി ഓർത്തഡോക്സ് സഭയെ സംബന്ധിച്ച് അതിലെ വിശ്വാസികളായ നമ്മൾക്ക് സമാധാനത്തിന് യാതൊരു കുറവുമില്ല. ഓരോ വിശുദ്ധ കുർബാനയിലൂടെയും ലഭിക്കുന്ന പരിശുദ്ധാത്മാവിന്റെ സമാധാനത്തിലൂടെ സുറിയാനിക്കാരായ നമ്മൾ മനസമാധാനത്തോടെ ജീവിച്ചു പോകുന്നു. ആ സമാധാനം കാണുമ്പോൾ മറ്റ് സഭയിലുള്ള പലരും അസൂയകൊണ്ട് പറയുന്നതായിരിക്കും 'നമുക്കൊരുമിച്ചാൽ സമാധാനം' കിട്ടുമെന്ന്. അത്തരക്കാരുടെ വാക്കു കേട്ടാൽ, 'അന്തിക്കൂട്ടിന് വന്നവൻ അമ്മയ്ക്ക് നായരായി' എന്ന അവസ്ഥയാകും പിന്നീട്.

വിശുദ്ധ മദ്ബഹായിൽ പ്രവേശിക്കുന്നതിന് മുമ്പ് ശുശ്രൂഷക്കുപ്പായം ധരിച്ചിരിക്കണം.

കുപ്പായത്തിനടിയിൽ വെള്ള വസ്ത്രം ധരിക്കണം.

കുപ്പായം ധരിക്കുമ്പോഴും, ത്രോണോസും മദ്ബഹായും മുത്തുമ്പോഴും അതാത് പ്രാർത്ഥനകൾ മനഃപാഠമായി ചൊല്ലാൻ അറിഞ്ഞിരിക്കണം.

സന്ധ്യാനമസ്ക്കാരത്തിന് മുമ്പ് മദ്ബഹാ വൃത്തിയാക്കണം.

വിശുദ്ധ കുർബാനയ്ക്ക് പ്രഭാതനമസ്ക്കാരം ആരംഭിക്കുന്നതിന് മുമ്പ് ദേവാലയത്തിൽ എത്തണം.

വിശുദ്ധ മദ്ബഹായിലേക്ക് തെക്കുവശത്തുകൂടി പ്രവേശിക്കുക, വടക്കുവശത്തുകൂടി ഇറങ്ങുക.

ത്രോണോസിന്റെ മുമ്പിലൂടെ കുറുകെ കടക്കരുത്.