തൂയോബോയിൽ വിശുദ്ധ രഹസ്യങ്ങളുടെ മുകളിൽ ഇടത്തോട്ട് (Anti-clockwise) രണ്ടു പ്രാവശ്യവും, വലത്തോട്ട് (Clockwise) ഒരുപ്രാവശ്യവും ധൂപക്കുറ്റി ചുറ്റിക്കണം. ഇടത്തോട്ട് രണ്ടുപ്രവശ്യവും വലത്തോട്ട് ഒരുപ്രാവശ്യവും കറക്കുന്ന രീതി വിശുദ്ധ കുർബ്ബാനയിൽ ഒന്നിലധികം സ്ഥലങ്ങളിൽ കാണാം. ഇടത്തേതിന്റെ മക്കളായിരുന്ന നമ്മെ മശിഹായുടെ മനുഷ്യാവതാരം മൂലം വലത്തേതിന്റെ മക്കളാക്കിതീർത്തു എന്നാണ് ഇതിന്റെ പൊരുളായി പൊതുവേ പറയാറുള്ളത്. ആദാം വീണു, മനുഷ്യവംശവും വീണു എന്നതിന്റെ പ്രതീകമായി ഇടത്തോട്ടു രണ്ടു പ്രാവശ്യവും, ഏകജാതൻ തന്റെ മനുഷ്യാവതാരത്താൽ ഏവരെയും രക്ഷിച്ചു എന്നതിന്റെ സൂചനയായി ഒരുപ്രാവശ്യം വലത്തോട്ടും കറക്കുന്നു എന്നൊരു വ്യാഖ്യാനവുമുണ്ട്. വൃത്തം നിത്യതയുടെയും, മൂന്ന് എന്ന സംഖ്യ വിശുദ്ധ ത്രിത്വത്തിന്റെയും പ്രതീകങ്ങളാണ്.

(വിശുദ്ധ യാക്കോബിന്റെ തക്സാ, ഒരു പഠനം. എം.ഓ.സി. പബ്ലിക്കേഷൻ. പേജ് 34. ഫാ.ജോൺസ് എബ്രഹാം കോനാട്ട്).

അറിയപ്പെടുന്ന എല്ലാ മതങ്ങളിലുമുള്ള ഒരാചാരമാണ് വലംവയ്ക്കൽ (Circumambulation). ബുദ്ധമതത്തിലും ഹിന്ദുമതത്തിലും ക്രൈസ്തവതയിലും ഇസ്‌ലാമിലും ആചാരപരമായി വലംവയ്ക്കലുണ്ട്. വിഗ്രഹത്തെയോ ദേവാലയത്തെയോ ഒക്കെ മാതവിശ്വാസികൾ ആചാരത്തിന്റെ ഭാഗമായി വലംവയ്ക്കുന്നു.

രണ്ട് ദിശയിൽ വലംവയ്ക്കാം. ഒന്ന് ക്ലോക്ക് കറങ്ങുന്ന ദിശയിൽ; ഇതിനെ clockwise അഥവാ പ്രദക്ഷിണം എന്നും തിരിച്ചുള്ള വലംവയ്ക്കലിനെ counter-clockwise അഥവാ അപ്രദക്ഷിണം എന്ന് വിളിക്കുന്നു.

യഹൂദരുടെ ലിഖിത പാരമ്പര്യമായ മിഷ്നയിൽ പറയുന്നതനുസരിച്ചു ഒരാൾ യെരുശലേം ദേവാലയത്തിൽ ചെല്ലുമ്പോൾ അയാൾ സന്തുഷ്ടൻ ആണെങ്കിൽ counter-clockwise ഉം മരണമോ രോഗമോ മറ്റോകൊണ്ട് ദുഃഖിതൻ ആണെങ്കിൽ clockwise ഉം ദേവാലയത്തെ ചുറ്റണം (Mishnah, Middot 2:2). അപ്പോൾ clockwise ചുറ്റൽ ദുഃഖസൂചികയും counter-clockwise ശുഭസൂചികയുമാണ് യഹൂദപാരമ്പര്യത്തിൽ.

ഇതിന്റെ influence കൊണ്ടാകാം,  ക്രിസ്തു മതത്തിലും ഇസ്‌ലാമിലും counter-clockwise ചുറ്റുന്നത് ശുഭസൂചകമാണ്. മുസ്ലിംകൾ കഅബ ദേവാലയത്തിന് ചുറ്റും നടക്കുന്ന ത്വവാഫ് എന്ന ചടങ്ങ് counter-clockwise ആണ്.

സുറിയാനി സഭയിലും counter-clockwise ശുഭസൂചികയും clockwise ദുഃഖസൂചികയുമാണ്. മദ്ബഹയിലേക്ക് കയറി ഇറങ്ങുന്നതും ധൂപം വീശിചുറ്റുന്നതും എല്ലാം ശുഭസൂചികയായ counter-clockwise ആണ്. മാറാനായ പെരുന്നാളുകളിൽ ദേവാലയം ചുറ്റുന്നതും വടക്ക് വാതിൽ വഴി ഇറങ്ങി counter-clockwise വലംവച്ചു തെക്കുവാതിൽ വഴി തിരികെ പ്രവേശിക്കുന്നു. എന്നാൽ ദുഃഖവെള്ളിയാഴ്ച മാത്രം ദുഃഖസൂചികയായ clockwise വലംവയ്ക്കൽ നടക്കുന്നു; അപ്പോൾ തെക്കുവാതിൽ വഴി ഇറങ്ങി clockwise ചുറ്റി, വടക്കുവാതിൽ വഴി തിരികെ പ്രവേശിക്കുന്നു. ഇതാണ് വലംവയ്ക്കലിന്റെ പാരമ്പര്യം.

വിവാഹ കിരീടം വാഴ്വ്, വിശുദ്ധ കുർബ്ബാനയുമായി പടിഞ്ഞാറോട്ട് വരുക, മൃതശരിരത്തിനും കബറിടത്തിലും ധൂപം വയ്ക്കുക, ശോശപ്പാ ആഘോഷം, ധൂപക്കുറ്റി വാഴ്ത്തുക എന്നിവയിലും Anticlockwise ആണ്. എങ്കിലും പിന്നീട് ഒരു തവണ Clockwise ഇതിൽ ചിലതിൽ ഉൾപ്പെടും.

Anti clockwise circambulation also indicates the order of priority or religious or Liturgical importance of the the directions  (geographical) East, North, West, South.

ഫാ.ഗീവർഗ്ഗീസ് കോശി, പുത്തൻവീട്ടിൽ, പട്ടാഴി.