പത്തു കല്പനകളിൽ ഒമ്പതും പുതിയനിയമത്തിൽ എടുത്തുപറയുകയും വ്യാഖ്യാനിക്കുകയും ചെയ്തിട്ടുണ്ട്. ‘ശബ്ബത്തുനാളിനെ ശുദ്ധീകരിച്ചാൽ ഓർക്ക’ എന്ന നാലാം കല്പന മാത്രം ഒഴിവാക്കി. ഗിരിപ്രഭാഷണത്തിൽ ചില കല്പനകളെ ക്രിസ്തുതന്നെ തന്റെ ശിഷ്യന്മാർക്കു വിശദമാക്കിക്കൊടുത്തു. (മത്താ 6:22,29,30,33,34).

ഒന്നാം കല്പന: “നിങ്ങൾ ഈ വ്യർത്ഥകാര്യങ്ങളെ വിട്ടു, ആകാശവും ഭൂമിയും സമുദ്രവും അവയിലുള്ള സകലവും ഉണ്ടാക്കിയ ജീവനുള്ള ദൈവത്തിങ്കലേക്ക് തിരിയേണം”. (അപ്പൊ 14:15).

രണ്ടാം കല്പന: “കുഞ്ഞുങ്ങളെ, വിഗ്രഹങ്ങളോടു അകന്നു സൂക്ഷിച്ചു കൊൾവിൻ.” (1.യോഹ 5:21).

മൂന്നാം കല്പന: “സ്വർഗ്ഗത്തെയോ ഭൂമിയെയോ മറ്റു യാതൊന്നിനെയുമോ ചൊല്ലി സത്യം ചെയ്യരുത്”. (യാക്കോ 5:12, മത്താ 23:22).

നാലാം കല്പന: ഈ കല്പന പുതിയനിയമത്തിലില്ല.

അഞ്ചാം കല്പ്പന: “മക്കളേ, നിങ്ങളുടെ അമ്മയപ്പന്മാരെ കർത്താവിൽ അനുസരിപ്പിൻ”. (എഫെ 6:1).

ആറാം കല്പന: “സഹോദരനെ പകെക്കുന്നവൻ എല്ലാം കൊലപാതകൻ ആകുന്നു”. (1.യോഹ 2:15).

ഏഴാം കല്പന: “വിഗ്രഹാരാധികൾ, വ്യഭിചാരികൾ... എന്നിവർ ദൈവരാജ്യം അവകാശ മാക്കുകയില്ല”. (1.കൊരി 6:9,10).

എട്ടാം കല്പന: “ഇനി മോഷ്ടിക്കരുത്”. (എഫെ 4:28).

ഒമ്പതാം കല്പന: “അന്യോന്യം ഭോഷ്കു പറയരുത്.” (കൊലൊ 3:9).

പത്താം കല്പന: “അത്യാഗ്രഹം നിങ്ങളുടെ ഇടയിൽ പേർ പറകപോലും അരുത്”. (എഫെ 5:3).

ഒന്നാം കല്പന അമ്പതോളം പ്രാവശ്യവും, രണ്ടാം കല്പന പ്രന്തണ്ടു പ്രാവശ്യവും, മൂന്നാം കല്പന നാലു പ്രാവശ്യവും, അഞ്ചാം കല്പന ആറു പ്രാവശ്യവും, ആറാം കല്പന ആറു പ്രാവശ്യവും ഏഴാം കല്പന പ്രന്ത്രണ്ടു പ്രാവശ്യവും, എട്ടാം കല്പന ആറു പ്രാവശ്യവും, ഒമ്പതാം കല്പന നാലു പ്രാവശ്യവും, പത്താം കല്പന ഒമ്പതു പ്രാവശ്യവും പുതിയനിയമത്തിൽ ആവർത്തിച്ചിട്ടുണ്ട്.

1. ഞാനല്ലാതെ അന്യദൈവങ്ങൾ നിനക്കുണ്ടാകരുത്. (പുറ 20:2-3, മത്താ 4:10).

2. ഒരു വിഗ്രഹം ഉണ്ടാക്കരുത്. (പുറ 20:4-6, 1.യോഹ 5:21).

3. യഹോവയുടെ നാമം വൃഥാ എടുക്കരുത്. (പുറ 20:7, മത്താ 5:34 യക്കോ 5:12).

4. ശബ്ബത്തുനാളിനെ ശുദ്ധീകരിപ്പാൻ ഓർക്കുക. ഈ കല്പന പുതിയനിയമത്തിലില്ല. (പുറ 20:8, ഗലാ 4:10, കൊലൊ 2:16).

5. അപ്പനെയും അമ്മയെയും ബഹുമാനിക്ക. (പുറ 6:12, എഫെ 6:1-3).

6. കൊല ചെയ്യരുത്. (പുറ, 20:13, മത്താ, 5:21-22, 1യോഹ, 3:15).

7. വ്യഭിചാരം ചെയ്യരുത്. (പുറ 20:14, മത്താ 5:27-28, എബ്രാ 13:4).

8. മോഷ്ടിക്കരുത്. (പുറ 15:15, എഫെ 4:28).

9. കള്ളസാക്ഷ്യം പറയരുത്. (പുറ 20:16, എഫെ 4:25, കൊലൊ 3:9).

10. കൂട്ടുകാരൻ്റെ യാതൊന്നും മോഹിക്കരുത്. (പുറ 20:17, കൊലൊ 3:5, റോമ 7:7).

ഫാ.ഗീവർഗ്ഗീസ് കോശി പുത്തൻവീട്ടിൽ, പട്ടാഴി.