ഫിലിപ്പിയർ 3:7 എങ്കിലും എനിക്കു ലാഭമായിരുന്നതു ഒക്കെയും ഞാൻ ക്രിസ്തു നിമിത്തം ചേതം എന്നു എണ്ണിയിരിക്കുന്നു. But what things were gain to me, those I counted loss for Christ.

യൂ ട്യൂബിൽ പന്ത്രണ്ട് മില്യൺ കാണികളുള്ള പ്രശസ്ത ക്രിസ്തീയ മ്യൂസിക് ആൽബമാണ് Casting Crowns (കിരീടങ്ങൾ ഉപേക്ഷിക്കൽ). ഉപയോഗശൂന്യമായ സാധനങ്ങൾ കൂട്ടിയിട്ടിരിക്കുന്ന ഒരു ജങ്ക് യാർഡ് (Junk yard) ആണ് ഗാനത്തിന്റെ പശ്ചാത്തലം. താൻ ജീവിതത്തിൽ നേടിയ മെഡലുകളും ട്രോഫികളും ഗായകൻ ഒടുവിൽ ചവർ കൂമ്പാരത്തിലേക്ക് എറിയുന്നതാണ് ഗാനത്തിന്റെ ക്ലൈമാക്സ്.

Life is a long process of waste, എന്ന് പറയുന്നതുപോലെ ഭൗതിക ജീവിതത്തിലെ 70% കാര്യങ്ങൾക്കും ആത്യന്തികമായി ചപ്പുചവറുകളുടെ വിലയേയുള്ളൂ എന്നതാണ് സത്യം. നിത്യതയിൽ കാണപ്പെടുന്ന നിക്ഷേപങ്ങൾക്കേ യഥാർത്ഥ മൂല്യമുള്ളൂ.

പൗലോസിന് സാധിച്ചതു പോലെ, നാം ജീവിതത്തിൽ വലുതെന്ന് കരുതുന്നതും, വളരെ വില കൊടുത്ത് നേടിയതുമായ നേട്ടങ്ങൾ യേശുവിനു വേണ്ടി ത്യജിക്കുവാൻ തയ്യാറാകുമോ? അപ്പോൾ മാത്രമാണ് ദൈവസ്നേഹത്താൽ നാം നിറയപ്പെട്ടു എന്ന് പറയുവാൻ സാധിക്കുക.

ഫാ.ഗീവർഗ്ഗീസ് കോശി പുത്തൻവീട്ടിൽ, പട്ടാഴി.