അന്ന് ജറുസലേം ദൈവാലയത്തിൽ യേശു ക്രിസ്തു പുറത്തു കയറി യാത്ര ചെയ്ത കഴുത തിരച്ചു വീട്ടിൽ വന്നപ്പോൾ, ആ കഴുത അമ്മയോട് പറഞ്ഞു" അമ്മാ, ഞാൻ ഇന്ന് ജറുസലേം ദൈവാലത്തിലേക്ക് പോയപ്പോൾ തെരുവോരങ്ങളിൽ എല്ലാവരും എന്നെ കണ്ടു കുമ്പിടുകയും ആർപ്പു വിളിക്കുകയും, ബഹുമാനിക്കുകയും ചെയ്തു. അപ്പോൾ ആ അമ്മ പറഞ്ഞു, അത് നിന്നെ കണ്ടിട്ടല്ല, നീ വഹിച്ച ആ യേശു ക്രിസ്തുവിനെ കണ്ടിട്ടാണ്. അതിൽ സംശയം തോന്നിയ ആ കഴുത പിറ്റേദിവസം ആ ജറുസലേം ദൈവലത്തിന്റെ തെരുവോരങ്ങളിൽ പോയി നോക്കി. അപ്പോൾ ആരും തന്നെ ആ കഴുതയെ ശ്രദ്ധിക്കുകയോ, കുമ്പിടുകയോ, ബഹുമാനിക്കുകയോ ചെയ്തില്ലെന്ന് മാത്രമല്ല, ജനങ്ങൾ കല്ലെറിഞ്ഞു ഓടിക്കുകയാണ് ചെയ്തത്. ഇതുപോലെ തന്നെയാണ് യേശു ക്രിസ്തുവില്ലാത്ത നമ്മുടെ അവസ്ഥ. യേശു ക്രിസ്തു ഇല്ലെങ്കിൽ നമ്മൾ ഒന്നുമല്ല. നാമും ഇതുപോലെയല്ലേ. നമ്മുടെ അറിവ്, സ്ഥാനം, ബഹുമതി, അംഗീകാരം, ധനം, ഇതൊക്കെ നമ്മുടെ പ്രയത്നം കൊണ്ട് മാത്രം ലഭിച്ചവയാണെന്ന് നാം അഹങ്കരിക്കുന്നു. എന്നാൽ ദൈവം കൂടെയില്ലായിരുന്നെങ്കിൽ ഇതൊക്കെ ലഭിക്കുമായിരുന്നുവോ? തിരിച്ചറിയാം ഈ യാഥാർഥ്യം.

ഫാ.ഗീവർഗ്ഗീസ് കോശി പുത്തൻവീട്ടിൽ, പട്ടാഴി.